Rreth Shtesave Mozilla

Për çfarë është ky sajt?

addons.mozilla.org, e njohur rëndom si "AMO", është sajti zyrtar i Mozilla-s për shtesa ndaj software-it Mozilla, të tillë si Firefox-i, Thunderbird-i, dhe SeaMonkey. Shtesat ju lejojnë të shtoni veçori të reja dhe të ndryshoni mënyrën me të cilën funksionon shfletuesi ose aplikacioni juaj. Hidhni një sy përreth dhe eksploroni mijëra mënyra për të personalizuar rrugën sipas të cilës bëni gjëra në linjë.

Kush i krijon këto shtesa?

Shtesat e radhitura këtu janë krijuar nga mijëra zhvillues prej bashkësisë sonë, që shtrihet nga hobistë individualë deri te korporata të mëdha. Krejt shtesat e paraqitura publikisht shqyrtohen nga një ekip shqyrtuesish, përpara se të hidhen në qarkullim. Shtesat e shënuara si Eksperimentale s’janë shqyrtuar dhe do të duhej t’i instalonit duke bërë kujdes.

Si të mbeten në dijeni se ç’ndodh te AMO?

Ka disa rrugë për të mësuar lajmet e fundit nga bota e shtesave:

  • Blogu ynë i Shtesave përditësohet rregullisht me të dhëna si për simpatizantët e shtesave, ashtu edhe për zhvilluesit e tyre.
  • Shpesh postojnë, lajme, ndihmëza, dhe trike te llogaria jonë Twitter, mozamo
  • Forumet janë vend i mirë për të ndërvepruar me bashkësinë e shtesave dhe për të diskutuar ndryshimet e ardhshme te AMO.

Duket shumë e fortë! Si mund të marr pjesë?

Ka plot rrugë për t’u përfshirë. Në qoftë se jeni i anës teknike:

  • Krijoni shtesën tuaj. Ofrojmë strehim të saj falas dhe shërbim përditësimesh dhe mund t’ju ndihmojmë të mbërrini te një publik sa më i madh përdoruesish.
  • Nëse keni përvojë me zhvillimin e shtesave, bëhuni një Shqyrtues Shtesash! Shqyrtuesit tanë janë tifozë të shtesave, me përvojë teknike, që shqyrtojnë shtesat lidhur me cilësinë dhe qëndrueshmërinë e kodit.
  • Ndihmoni në përmirësimin e këtij sajti. Është me burim të hapët, dhe mund të depozitoni të meta dhe të parashtroni arnime për të. GitHub përmban krejt të metat e tanishme, të meta të dikurshme mund të gjenden në Bugzilla.

Nëse ju interesojnë shtesat, por s’jeni edhe aq i anës teknike, ka ende rrugë për të ndihmuar:

  • Tregojuni miqve tuaj! Bëjuni me dije cilat shtesa përdorni.
  • Merrni pjesë në forumet tona.
  • Shkruani te sajti recensione për shtesat. Ka më tepër gjasa që autorët e shtesave t’i përmirësojnë shtesat e tyre dhe të shkruajnë të reja, kur shohin se njerëzot e vlerësojnë punën e tyre.

Kam një pyetje

Një vend i mirë për t’ia filluar Asistenca Mozilla. Nëse s’gjeni përgjigje aty, mund të pyesni në forumet tona.

Nëse dëshironi të lidheni me dikë nga ekipi Mozilla, ju lutemi, shihni faqen tonë me të dhëna kontaktesh.

Kush merret me këtë sajt?

Përgjatë vitesh, shumë vetë kanë dhënë ndihmesë për këtë sajt, përfshi si vullnetarë nga bashkësia, ashtu edhe një ekip posaçërisht për AMO-n.